KUE CUCUR

KUE CUCUR

Cucur kuikue utawa jajanan tradisional saka kawasan Asia Tenggara, kalebu Indonesia,Malaysia,lan Thailand Selatan. Ing Indonesia kue cucur bisa ditemukake ana ing saben pasar tradisional. Kue cucur ing Indonesia khususe wilayah Jakarta kalebu panganan adat sing wajib dihidangke ing upacara adat Betawi.

                Kue cucur iku wujude bunder,gepeng lan tengahe rada ‘njembluk’ serta pinggire garing lan ora rata. Kue cucur warnane coklat amarga dicampuri gula jawa. Didelok saka njaba kue mau katon kilong-kilong amargo saka prosese sing digoreng.

Kue cucur iku rasane manis,gurih,lan legit. Pas dibuka tekstur tengahe luwih kandel lan katon kaya bolong-bolong. Kue cucur digawe saka : 125 gr glepung beras, 30 gr glepung terigu,125 gr gula jawa, ¼ sdt uyah,sak lembar godhong pandan, 230 ml banyu, lan minyak goreng secukupe.

Kue cucur iki gampang digawe. Cara kaping pisan : godhok gula jawa, banyu , lan godhong pandan nganti gulane nyampur. Angkat lan saring, banjur dinengke tekan anget. Kaping pindho, ing njerone wadah campuren glepung beras, glepung terigu,lan uyah. Kudhek tekan rata banjur tuangen godhokan gula jawa ingkang wis disaring mau, teka sitik banjur diuleni tekan lunyu. Kaping telu, digepuk-gepuk adonane kanthi nglembung, kurangluwih 30 menitan. Sakwise iku adonan dinengke 1 jam lan pungkasane minyak goreng dipanaske banjur leboke saksendok sayur adonan. Siram-siram minyak panas ana ing tengah kue cucur. Sakwise garing pinggirane diwalik sedilo banjur diangkat lan ditirisake.

                Ayo para kanca lan sedulur padha bebarengan nglestarikake panganankue cucur. Amarga bahan – bahan kang dinggo gawe gampang diluru lan cara gawene uga gampang. Yen dudu awake dewe sing nglestarikake, sapa maneh ?.